ನಾನೆನುವುದು ಏನಿದೆ
ನೀ ಎನುವುದು ಇರದೆ ?
ನನ್ನಿಂದಲೆ ನಾ ಎನ್ನುವುದು
ಸುಳ್ಳಲ್ಲದೆ ಬರಿದೆ ?
ಮರವಿದ್ದೂ ಒಳಗೆ
ಕೊಡಲಾರದು ಬೀಜ
ಜೊತೆಗೂಡದೆ ನೀರು ಮಣ್ಣು
ಗಾಳಿ ಸೂರ್ಯತೇಜ
ಕಡಲ ಹಂಡೆ ಕಾಯದೆ
ಮೈ ಪಡೆಯಿತೆ ಮುಗಿಲು ?
ನೆಲಕಿಳಿಯದೆ ಮುಗಿಲು
ತಲೆದೂಗಿತೆ ಪಯಿರು ?
ತಿರುಗುತ್ತಿವೆ ಗ್ರಹಗಳು
ಉರಿಯುತ್ತಿವೆ ತಾರೆ
ನಿಂತರೊಂದು ಗಳಿಗೆ
ಸಾವೇ ಈ ತಿರೆಗೆ
ಋಣ ತುಂಬಿದ ಗಣಿಯೊ
ನಮ್ಮದೆನ್ನುವ ಬಾಳು
ಸ್ಮರಿಸಿ ಎಲ್ಲ ಸಾಲ
ಕೃತಜ್ನತೆಯ ಹೇಳು.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ