ನಿನ್ನ ಕನಸುಗಳಲ್ಲಿ
ಮುಳುಗಿ ಹೋದೆನು ನಾನು
ಎತ್ತಿ ಕಾಪಾಡುವರು ಯಾರು ?
ಸವಿನೆನಪಿನಾಳದಲಿ
ಹುದುಗಿ ಹೋಗಿರುವೆನು
ಅಗೆದು ತೆಗೆಯುವರಿಲ್ಲವೇನು ?
ನಿನ್ನ ಬಯಕೆಯ ಗಾಳಿ ಹಾರಿಸಿತು ನನ್ನ
ಹಿಡಿದು ನಿಲ್ಲಿಸುವವರು ಯಾರು ?
ಕ್ರೂರ ವಿರಹಾಗ್ನಿಯಲಿ
ಬೇಯುತಲೆ ಇರುವೆ
ನೀರೆರೆದು ಉಳಿಸುವವರಾರು ?
ಬಾ ಚಿನ್ನ, ನೀ ನನ್ನ
ಪ್ರೀತಿಯಾಳಗಳಲ್ಲಿ
ಇಳಿದು ತಳಮುಟ್ಟು ನೋಡೋಣ ?
ಬಾ ಚಿನ್ನ, ನೀ ನನ್ನ
ಪ್ರೀತಿಗಿರಿ ಶಿಖರಗಳ
ತುದಿತನಕ ಹತ್ತು ನೋಡೋಣ ?
ಹಗೆ ತೋರುವಾತನಿಗೆ
ಶಿಕ್ಷೆ ನೀಡುವುದು ಸರಿ.
ಮನ ಮೆಚ್ಚಿ ಬಂದವನ ಹೀಗೆ
ವಿರಹದಲಿ ಕಾಯಿಸಿ
ನೋವಿನಲಿ ಹಾಯಿಸಿ
ದುಖಃದಲಿ ತೋಯಿಸಲು ಹೇಗೆ?
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ